同事結婚後到法國南部蜜月,加上我近日也正在搜集旅行資料,搞到好想去旅行呀~搵返張薰衣草田頂住先!
我呀~係咪同四年前無乜點變呢!?
我的英法遊記呢,亦無乜點變,和四年前一樣,到現在還是寫緊Day 1的行程……寫到我地在凡爾賽宮驚畀雷劈……不過我有信心,總有一天,我會寫完佢的!
好,等我介紹下屋企的盆栽。這兩盆植物名叫太陽神,顧名思義,好曬得!根據我的經驗,佢地仲好捱得,因為太陽神一號(左)已經跟左我四年,由我搬出來自己住開始,他便跟著我,陪我搬過三次屋,無論被曝曬、水浸、制水,或被整盆撞落地,花盆都四分五裂了,他都無離開我。所以,我決定以後好好對他,佢一日唔死,我都會帶佢係身邊。太陽神二號(右)亦不弱,跟左我兩年了,由於年紀較輕,而且有一號的經驗,我比較懂得照顧佢,所以佢的樣子亦較水潤和有光澤。
老豆最近的身體不太好,今年已經進了三次醫院。媽咪叫我和男友Lak仔提早斟茶,拜堂成親沖喜一下,當然十一月我地會照擺酒啦,大家早d到:)
去到影樓了,這是化好妝但未set頭和換衫的照片。



已經選好了一件婚紗和兩件晚裝了。相片中的晚裝,我十分十分喜歡,但最後沒有選。已經選好的,我不把相片放上來了,因為怕會忍唔住問大家建議和評語,接著又要三心兩意的了。
接下來,我要去選婚紗了。