這是我們送給婚宴來賓的wedding favors -- 蝴蝶酥。原本已在Isabelle睇中了一set wedding chocolate，貪佢包裝夠靚。但真係天意弄人，有日我上網，無啦啦看到蝴蝶酥的圖片（我甚至不是search緊結婚的東西），立即覺得蝴蝶酥很好啊，它天生就是一個完美的心形，又靚又好味。於是我就跟Lak說，我地就送蝴蝶酥啦！
講完之後，立即就後悔了，我又自找麻煩～
過了幾天，我嘗試縮沙，跟Lak說：「不如我地送番朱古力把啦！」但已經返唔到轉頭，他說：「我覺得蝴蝶酥有心思ｄ喎…」我梗係知有心思啦，係我諗個喎！於是我就係咁走入一條不歸路。
詢問過幾間餅店，走訪多間大型超市，試吃了幾個牌子，終於找到了！完美的心形，獨立包裝，味道好，一包還要有兩塊！
接著便要想包裝的問題。這裡真的又要再三多謝Karen，她陪我逛了兩次南昌街買絲帶和Lace。包裝其實也換了幾次，起初我在City super找到了一款很漂亮的禮物袋，雖然它很貴，差不多貴過蝴蝶酥，但由於時間關係，我也打算大量入貨了，怎料我要的size竟然沒貨！我又要重新設計包裝……
幾經波折，終於買齊所需的材料，可以開工，大量生產。
不要小看這個絲帶結，這是最花時間的工序。
多年前買的字母印仔，今次大派用場。
這就是製成品了：
在背後加了一條lace，係咪精緻好多呢？
看著滿桌子的製成品，我覺得很有滿足感，好滿意呀！
希望大家都會喜歡這個小小的心意啦！
