15.6.07

細妺


我是個粗心大意的女,每逢父母生日、父親節、母親節這些日子,我都會忘記得一乾二淨,更不用說安排節目、禮物慶祝。
這個時候,細妹就會來電,brief一次慶祝項目,我只要到時出現,或按指示辦事便可。細妹也包辦了一切家庭活動,出遊行程、交通安排、餐廳訂位,以及家裏的電器裝置維修、家俬裝卸等等。
剛過的母親節,細妹五時便到達大榮華排隊,而我因為太累,在家睡了,我那天收到的指示是七時左右和父母乘的士到現場。寫著寫著,也忍不住笑了,因為實在太廢人。
今個星期日便是父親節,由於細妹上了大陸公幹,所以還未收到指示,有點憂心,所以便想起她了。

找到這張相,小時候我們常常都會穿成兩個「紅人」,紅褸紅褲紅鞋,細妹穿的小紅褸,印象中我也穿過,而更特別的是,我發現原來我是會把褲「休」到束住件track suit的!袋子裏腫脹著的是利是,有了錢,難怪我會有個野心勃勃的表情。

5 則留言:

fating 說...

我地先黎睇睇你的面相, 你眼40度向上瞟, 有少少戚眉, 加上嘴角向兩邊微翹, 代表你當時非常得戚。
再睇下你的手相… 係睇唔到的! 點解呢? 皆因你正在狎玩 (嘩!!!) 紅姑的耳朵, 而佢就好似畀你dian左穴咁, 呆!
再睇埋你脹滿口袋的利是, 擺到明出黎行。仲唔係o個d《十二少三戲花魁》的劇照!!!

NA 說...

不愧為蘇師傅!

匿名 說...

原來你細個同八兩金咁似架!!!!!~~~真係女大十八變~~~

匿名 說...

睇到你呢張相
第一個感覺係
肉隨鉆板上

匿名 說...

杏,我都幾鐘意呢個八兩金髮形,可惜大個之後的髮質、臉形唔同左,carry唔到啦,否則現在將會更似八兩金!!

星雲,講開又好似係,細妹細個時影相成日一臉無辜,映襯得我特別奸狡。