我又去左玩啦!今次去添馬艦嘉年華。百五蚊玩足一日，有得驚有得掟公仔，抵丫～但我搞錯左，以為分日夜兩場，所以六點幾先去到，玩唔晒呀，覺得蝕底左囉～
最驚嚇果兩個公轉同時自轉自殺式係咁Fing遊戲，我呢，睇已經要捏一把汗。
其餘中小型半驚嚇遊戲，已經滿足又要驚又要玩的人士，即係我勒。
我覺得最好玩係摩天輪隔離呢個Europe Coaster，兩腳零空Fing向添馬艦附近的大廈，爽呢!
被朋友譽為最驚，悶到驚的Formula 1溜滑梯……我又覺得好好玩喎。
最後仲掟到米奇和米妮公仔各乙個，高興啊!
9 則留言:
我又要玩~
我都想玩多次呀!
真係好抵wo
如果玩得哂
平均每個遊戲都係幾蚊雞
但如果可以俾d唔係咁夠膽玩但又想感受一下熱鬧氣氛的市民免費入場 (-->我)
就仲理想喇 :p
唔係咁夠膽玩但又想感受一下熱鬧氣氛又想免費入場的市民星雲：
唔使驚架，好好玩架，而且呢，現場有很多美少女，幾理想架:P
嘩~ 估唔到係星雲喎!
我都忍唔住要搭下嘴, 大膽d, 畀左錢入左場就會玩架啦~
na, fating:
謝謝妳們的貼士同鼓勵
積極考慮中...
唔係咁夠膽玩但又想感受一下熱鬧氣氛又想免費入場仲想睇埋美少女的某市民上
星雲,na,fating:
不如你地約埋一齊去啦,有美女相伴,星雲一定勇氣百倍啦!呵呵!!!!!!!
杏, 好可惜我地只稱得上係美女(哈哈哈, 自己都忍唔住笑), 唔係星雲想睇的美少女喎~
fating,我都忍唔住笑~~~呵呵呵~~~放心啦,直覺話我知星雲係唔會介意無左個「少」字啦~~
發佈留言