23.11.06

Thanksgiving



今天是感恩節,我沒有慶祝過這個節日,只是最近狂煲美國劇集(我在兩個seasons煲了八個seasons的劇集),一連渡過了兩個聖誔節和兩個感恩節,突然好想過過節,食隻火雞。原來感恩節是十一月的第四個星期四,即是今天。

我要感恩的事真的很多,阿爸阿媽細妹老友工作健康……但大恩不言謝了,否則有排寫,我會記在心上,阿神應該也會心照,我是感激的。想寫兩件今年裡曾令我感到窩心的小恩惠,因為它們微小,如果不記下就會忘記。

首先我要感謝我家附近的腸粉店和三文治店老闆。我多次忘記全身無錢,仍然去買早餐,還試過連賒兩日,又試過漏了銀包在公司,連晚餐都賖埋。親切的老闆們好像比我還有歉意,總是連忙說「算啦算啦,由得佢啦……」、「唔緊要啦,下次先俾啦……」,還千叮萬囑「你千祈唔好專登過黎俾錢呀,經過開先俾啦。」雖然,我是會還錢的,但每次都有些無端端賺到了的感覺。

另外我想感謝一個年青人。事源那天乘地鐵,人迫迫,心情有點浮躁,遇到有臭味的人就立即扁嘴皺眉,彈開十尺,遇到有人碰撞到我,就戚眉斜睥,嘴藐藐,我想當時我也是個面目可憎的人。為了分散注意力,拿了本小說出來看,看着看着,突然有個十多歲的年青人站起來讓座給我,我奇怪地說「唔駛啦」他說「你看書嘛,你坐啦」啊,請讓座予讀書人!這個地方很有文化,很有教養啊。之後,我的怨氣全消了。

其實,已經不是第一次有人讓座給我了,以前返中大,要上早上八點半的堂,我站在火車上閉目養神,也曾經有個好心的先生讓座給我,我之前忘了感恩,今次一次過感謝埋佢啦。

5 則留言:

fating 說...

哈哈哈, 我o係上個禮拜將你不停賒數的事講左畀你的街坊pinky知, 佢住左幾十年都唔知呢個社區咁溫暖!

匿名 說...

你都可以叫佢試下,但唔好話係我介紹就得啦。

clara 說...

我渡過了第一次的thanksgiving,我覺得好似中中國新年,日日食野,舖頭又唔開,highway好暢順!
black friday (the day after thanksgiving) 有大減價,好開心,我買左一對半價牛仔boot! heeheh...

匿名 說...

個concept都幾似中國人的還神和謝灶咁呢,但我查過你地美國人(話你呀~)係有三日假的,好有過節氣氛呀!

你上年回港都好似想買對牛仔boot,好鐘情呢味野喎你。

clara 說...

nah nah...係連續四日假(thu-sun),真係好有過節feel!
上年o個對$5元 2nd hand boot唔係好舒服,所以先買第二對. hoho...