冧晒啦

原本想呻埋湊仔有幾辛苦，但今朝畀阿仔氹返，冧晒啦～

今朝阿仔六點幾就開始嗌，Lak起身查探，見佢唔係扭食，就叫我繼續訓，佢去暗阿仔訓返。

暗左半個鐘，阿仔仍然依依呀呀，用他的BB話嗌下叫下又停下。我心諗，個仔一定係扭食啦，呢樣係唯一爸爸畀唔到佢的野。點知我行埋佢床邊，一摸佢塊面珠仔，佢就望實我笑啦，完全唔係喊食！佢個樣好似想講：終於見到你啦，我叫左咁耐就係叫你咋！

真係好sweet架佢個樣，Lak就只有在旁羡慕啦～

之前都唔覺同BB有甚麼特別的Bonding。初初由醫院回家，BB對我和新環境仍然非常迷惘和陌生，佢根本唔知我係佢阿媽，對佢黎講，我只係一個粮倉。食完奶，利用完我，就呼呼大睡。有時佢喊，Lak或陪月抱佢，都可以安撫到，但我一抱佢，佢就喊得仲大聲，因為佢聞到我陣奶味，又發癲要喊食。

經過七八個星期日餵夜餵，佢終於識得望住我笑，仲會用BB話同我傾偈，真係守得雲開囉～