愛情

和朋友J曾經有以下的討論：

J：你知唔知「愛」的感覺係點？
Na：嗯……唔知……我有鐘意過其他人，但果啲又好似唔係「傳說中」果種愛……起碼我仲未有「呀～愛一個人的感覺就係咁架啦～」果一刻囉。咁你係咪知呢？
J：我都唔知。但我諗當果種感覺出現的時候，自己一定會知道的。
Na：你有冇問過其他人？
J：唔得架，好多人以為自己知，其實唔知架，信唔過。正如你講，鐘意過人、或者拍過拖都唔代表就知，甚至結埋婚，生埋仔都可能唔知。
Na：咁唯有靠自己……你會唔會一直搵，或者一直等畀到呢種感覺你的人呢？
J：會呀……但可能會食住等，即係一路拍拖、娶老婆、生仔……一路等。
Na：衰得你～但我諗好多人都係咁……我諗我都可能會咁。呢ｄ野又唔guarantee一定有，如果到死果日，個天同我講：「係無架，呢個世界其實係無愛情架，同你玩下咋」或者「個個都有，淨係你無囉，sorry」咁咪撞鬼，白等一世!
J：係呀，就算真係有，但到你七老八十先遇到都夠死啦……不過呢，就算真係到七老八十先遇到，我都希望遇得到……
Na：嗯……不如咁啦，如果有一日，我得到果種感覺的話，我就同你講係點樣的感覺，你應該信得過我啦；拿，如果到你遇到左，你都要話返畀我知喎，等我都得個知字，原來真係有呢樣野。
J：好，一言為定。

J，想話你知，我知道左係點啦!