Tea Buffet．新華書店

今天和Karen、Naomi去金鐘Marriott吃tea buffet。
好美味的三文魚、很多很多的甜品、好好傾好好笑的好朋友……我披著羽絨，癱軟地攤在餐廳的沙發上，感受著星期六下午的慵懶。



吃了近三個鐘，五點幾由金鐘坐叮叮，迫迫迫迫迫落銅鑼灣，去新華書店。禮頓道一號樓高四層的新華書店，果真如傳聞中的……有點尷尬。剛剛行完Franc Franc的我們，一進新華書店，竟然又見到一樣的家居擺設，轉個身，是一書架的六、七十年代電影DVD，斜對面個架，卻是一堆騎呢公仔……我只能夠用「亂擺」來形容。

燈光、顏色都好像Pageone或誠品，有椅子和沙發供客人休息，整體感覺算舒服，但行下行下，又會發現佢亂擺野，總會在一些突然的位置，很突然地出現一些出人意表的東西，完全估佢唔到。例如，在三樓，睇睇下書，轉個身會見旗袍，跟住有人問你要唔要試穿……又例如，在一個掛了告示牌，工程未完成的掘頭巷，其實轉入去會發現一條窄巷，擺放漫畫書……

但我們最開心的還是發現了一堆世界名人公仔，造到好似癲佬癲婆咁ｏ既莫扎特、達爾文、沙士比亞、梵谷、莫內……我們逐個拎出來估下係邊個，最後揭開名牌看其真正身份時都會狂笑一輪，玩左好耐。我拎起一個雙眼半閉，頭髮蓬鬆的癲佬問Karen，Karen就話：「係唔係馬克思主義果個人呀？」我猶豫了一下，就問：「馬克思主義果個人？咁係咪即係馬克思呀？」揭開名牌，果真是Karl Marx，咁又是一陣狂笑，嚇死人。另外，有一個叫Emily Dickinson的公仔，我地唔知係邊個，頭先上網查返ｏ勒，佢原來係一個美國詩人。

最後，Karen買了一本《現代漢語辭典》和一些女性電影的書，而我就買了西蒙．波娃的《第二性》（只係24蚊）。